Dall'archivio del Corriere: 20 maggio 1976
Attingiamo dall'archivio del Corriere. E, come prima volta, un po' controcorrente, lo facciamo con un articolo in patois.
Lo pri Ami de Cerlogne a 11 métré Valdoten
Dze si pa come cen va pouë feni, perqué n’en jamë avu euna participachon parë nombreusa. Le meinà et le s-etudian son 1300, le métré et le professeur 125 p’eun total de 1425. Et se vo contado pouë tcheu elee que l’an travaillà pe la reussita de la Fêta (a comenché di Senteucco d'Etroble et de cice di «Comité Organisateur) et le s-invità, no s-arreuven quase a 1500.
Dze si cheur que aprë ceutta manifestachon d’attatsemen a «Noutro dzen patoué», lei saré pamë gneun que pense pouë que noutra lenga maternella siye 'n tren de mouëre.
Ci concour 1975-76 l’ayé ci sujé: «Société et organisation villageoise traditionnelle».
Ren a dëre: eun dzen sujé, më pitou dificilo. Exm sujé que baillave la possibilitaye i meinà, i s-etudian, i métré et i professeur de fëre eun sondadzo pro fon (come dion ara, «socio-économique ») de la via de leur velladzo a traver le siècle. L'an répondu a l’appel, 16 écoulé
maternelle, 48 écoulé élémentére, 5 écoulé mouayeime. Pa maque lo patoué francoprovençal l’est ëtà présen, më étò (come todzor) lo patoué alleman d’Issime et di dou Gressoney.
Pe trasporté 1425 personne son ëtà prenotà 39 pullman; n’en pamë trovà lo 40ëmo, et parë euna écoula de 'Veulla l’est pouë obledzaye de fëre lo voyadzo avouë de machine privaye.
Pe baillé a mëdjé a tcheut, n’en du demandé secour pa maque a tcheu le restorán et i s-otel d’Etroble, më étò a cice de St-Oyen et de Boursa. Saré cheur euna fêta inoubliabla (espéren maque que lo solei siye avouë no pe to lo dzor) et surtou euna dzenta fêta pe onze métré que dèyon receivre di s-otoritaye regionale lo PRI AMI DE CERLOGNE que l’est ëtà proposà di «Centre d’Etudes franco-provençales» de Sen Nicolà pe remercié le métré que l’an participà amoeun a 10 Concour de patoué. Vouéla lo non di 11 métré que, dei si do dzor-lë, l’an pouë l’onneur d’avei lo titre d’AMI DE CERLOGNE: André Targhetta Irene (Gressoney-St-Jean), Barell Alys (id.), Bozon Anne (Aoste), Cella Corradino (Gressoney-
St-Jean), Duc Lucio (Amad), Favre Wanda (St-Vincent, Gillian), Glarey Rose (Champorcher), Munier Di Carlo Faustine (Etroubles), Vailler Laurent (La Salle), Vercellin Lazier Joconde (Lillianes).
Trei de leur l’an participà a tcheu le 14 Concour, l’est a dëre: Duc Lucio, Favre Wanda et Glarey Rose. Onneur a tcheu cice collègue que l’an avu la constance de vardé alleumà
pe tan de s-an lo flambò de «Noutro dzen patoué».
LO PROGRAMMA DE LA FETA
9 h 30: Arrivée des autocars à Etroubles.
10 h: Réunion des participants (parking de Voulpillière)
10 h 15: Prière collective et sermon en patois. - Discours de M. Paolino Stacchetti, Sytndic d’Etroubles.
Présentation des travaux par R. Willien. Conservateur du Musée Cerlogne.
- Allocution de M. Mario Andrione. Président de la Junte Régionale.
Distribution des Prix AMI DE CERLOGNE.
- Exibition des « Masques d’Etroubles ». - Présentation d’oeuvres diverses par les groupes scolaires.
- Distribution de livres aux participants.
12 h 30: Repas dans les hôtels.
14 h: Visite aux travaux du XlVe Concours «Cerlogne», dans la salle de l’ancien Hôtel «Grande Rochère».
15 h 30: Promenade-escursion à Flassin
17 h: Départ des autocars.
René de Veulla
